Ligwalagwala FM Current Affairs

Betiphishekile tinkantolol takulelive namuhla njengoba Nkomishana wemaphoyisa losamiswe kwesikhashana emsebentini Fannie Masemola, Vusi Cat Matlala kanye nalabanye basolwa bebabovele phambi kwamantji. Kucoca kabanti ngalendzaba, sichumana nesati ngetebugebengu, Dkt Mxolisi Mathebula.

Duration:00:04:29

#Embiteni - iTechnology seyiphocelela kuchumana nge-data, i-Data Communication

Lenye yetinkapani tamakhalekhikhini kulelive leningizimu Africa ivete kutsi iyachubeka naluhlelo lekusebentisa i-Data etinhlelweni tekuchumana. Ingabe bantfu baseNingizimi Africa bakulungele kuchumana nge-data njengoba ngaphambilini kuke kwakhalwa ngekubita kakhulu kwayo i-data. Kuva kabanti nge-Data Communication sikhulumisana naSabelo Zimu loyi-Data Protection, Artificial Inteligence and Intellectual Property, enkapanini i-Cybersec Clinique

Duration:00:03:55

#Embiteni - #30for30campaign: Umtsetfosisekelo uhlanganisa iminyaka lngema-30 wemukelwa ngalokusemtsetfweni kulomnyaka.

Kulomnyaka kuhlangana iminyaka lengema-30 kwemukelwa ngalokusemtsetfweni umtsetfosisekelo walapha e-Ningizimu Africa. Ngaleyondlela ligumbi letindzaba ka-SABC litawetfulela ticeshana letitawube tibuka futsi tikhuluma ngawo lomtsetfosisekelo walelive. Namuhla kuloluchungechunge lwetinhlelo lesitawube sikwetfulela tona siligumbi letindzaba kaSABC, simeme lomunye lobekayincenye yekudvwetjwa kwemtsetfosisekeli welive, Prof Thuli Thuli Madonsela. #30for30campaign

Duration:00:13:41

SAMA PODCAST

Inhlangano yatisebenti tetemphilo i-South African Medical Association (SAMA) itsi lelive lisengakakulungeli kwetfula umshwalense wentempihlo, i-National Health Insurance (NHI) nawutawuyekelwa ngalendlela lobhaleke ngayo. Sikhulumisana nasihlalo weSAMA Mvuyisi Mzukwa.

Duration:00:05:58

#Imphunga - MTPA Africa Travel Indaba

Sikhungo lesibuke tekuvakasha netemapaki eMpumalanga, i-Mpumalanga Tourism and Parks Agency (MTPA), iyincenye yetikhungo netinhlangano letihambele umbutsnao wetekuvakasha i-Africa Travel Indab, eThekwini esifundzeni saKwaZulu Natal. Sibite lokhulumela i-MTPA, Simphiwe Shungube.

Duration:00:07:05

#Embiteni - Tenyukile tibalo tentfu labangasebenti kulekota yekucala kulomnyaka.

Tibalo takamva letikhishwe lihhovisi letibalo, i-Stats SA, tikhombisa kutsi tibalo tebantfu labangasebenti kulelive tenyuke nga 1,3-percent tisuka ku 31,4% kukota yesine yemnyaka lophelile, tatofika ku32,7% kulekota yekucala yalomnyaka wa 2026. Kuyibuka lendzaba asamukele sati ngetindzaba tebasebenti, Umnumzane Bukani Mngoma.

Duration:00:04:51

#Embiteni - Icalile iAfrica Travel Indaba eDurban

Mengameli wele-N/A Cyril Ramaphosa uvule ngalokusemtsetfweni umhlangano we-Africa Travel Indaba lobanjelwe e-Durban. Kulomhlangano, bekunabosomabhizinisi labehlukahlukene bakhangisa ngemisebenti yabo. Sifundza sase-Mpumalanga sona besimelwe tikhungo letifaka ekhatsi i-MRTT, lebukene nekufundzisa bantfu kupheka kanye nekulalisa tivakashi. Sikhulumisane nelilunga lebhodi yeMRTT, Bethuel Nxumalo.

Duration:00:04:44

#Embiteni - Tati temtsetfo titsi kulilungelo lamengameli Ramaphosa kundlulisela phambili lombiko welitsimba beliphenya indzaba yasePhala Phala.

Mengameli Cryil Ramaphosa, utsi angeke ehle esikhundleni sekuba ngumengameli welive ngetulu kwekutsi kube nalababita kutsi abeke phansi tintsambo kulandzelka sijubo senkantolo yemtsetfosisekelo lesitsintsa umbiko wase-Phala Phala. Itolo ebusuku, Mengameli Ramaphosa utjele sive kutsi lombiko utawendlulisela ekutseni uyocutjungulwa yinkantolo yemtsetfo. Ingabe kusho kutsini loku ngetemtsetfo? Simeme ummeli Bongane Matsane kutokhuluma ngalendzaba.

Duration:00:04:27

#Embiteni - Kubikwe ngencushuncushu lesike wetikolweni letitsite eHlanzeni lalesifundza.

Kube netehlekalo tekulwa kwebafundzi kuletinye tikolwa takulesifundza se Mpumalanga. Lokhulumela emaphoyisa kulesifundza Jabu Ndubane.

Duration:00:02:27

#Imphunga - Vaccination Mpu (pkg)

Indvuna yelitiko letekulima John Steenhuisen, uvakalise kwenetiseka ngendlela lokuchubeka ngayo luhlelo lwekugomela sifo sematele. Mthobisi Mkhaliphi uyasibikela

Duration:00:03:23

#Imphunga - Mengameli Ramaphosa utsi ufuna kubuyeketwe umbiko wasePhala Phala.

Mengameli Cyril Ramaphosa uvakalise kutsi ufuna kubuyeketwe lombilo lokhuluma ngendzaba yase-Phala Phala. Utsi angeke esule esikhundleni. Kukhuluma ngalendzaba simeme umhlatiyi wetepolitiki lotimele Umnumzane Thami Malinga

Duration:00:03:13

#Imphunga - Earth Life Africa

I Earth Life Africa yetfule sikhungo sesibili semphakatsi lesihlose kugcugcutela kukhicita emandla langangcolisi umoya. Lesikhungo sitfulwe esabelweni i-Malale, eVenda esifundzeni se-Limpopo. Lomcimbi bewuhanjelwe bantfu labahlala etindzaweni letibukana nekungcoliswa kwemoya lokubangwa yi Musina-Makhado Special Economic Zone, kanye nebaholi bendzabuko. . Kuyibuka kabanti lendzaba asemukele Thabo Sibeko loyi Programme Officer ka Earth Life Africa.

Duration:00:04:20

#Imphunga - Water Registration

Litiko letemanti nekuhlanteka selibite bonkhe bantfu labasebentisa emanti kunisela emasimini lamakhulu noma kwenta ibhizinizi kutsi babhalise kulelitiko kungakapheli tinyanga letintsatfu. Kukhuluma kabanti ngalendzaba sichumana nelisekela lendvuna yalelitiko Umnumzane David Mahlobo

Duration:00:05:13

#Embiteni - Kulahleka kwetidzakamiva etandleni temaphoyisa ludzaba lolugcame kakhulu kukhomishana laMadlanga.

Khenela Francois Steyn, losikhulu semaHawks eWest Rand eGauteng utjele likomishane laMadlanga kutsi lamacembu etigebengu lantrjontja tidzakamiva emahhovisi alesikhungo bewangeke akhone kukwenta loku kube bebangasebentisani netikhulu temaphoyisa. Simemesati ngetebugebengu, Dr Mxolisi Mathebula.

Duration:00:04:12

#Embiteni - iMpumalanga ngulesinye setifundza letibalulwe njengaletibukene nenhlekelele.

Sifundza se Mpumalanga, siyinceye yaleto letichazwe njengaletibukene nehlekelele ngenca yalesimo lesibi selitulu lesihlasele kulamalanga. Kepha kuva kutsi ingabe loku kusho kutsini sikhulumisana nephatsiswa welitiko letekubusa ngekubambisana, kuhlaliswa kwebanftu kanye netindzaba tebaholi bendzabuko kulesifundza se Mpumalanga, Speedy Mashilo.

Duration:00:04:32

#Embiteni - Indlu yebaholi bendzabuko eMpumalanga itobophelele kutsi kungabi nebasokwa labashonako kulomnyaka

Litiko etekubusa ngekubmbisanaa, kuhlaliswa kwebantfu kanye netindzaba tebaholi bendzabuko bemdzabu kulesifundzai sase-Mpumalanga litsi lifuna kucinisekisa kutsi kute basokwa labashonako engomeni kulomnyaka. Loku kuvele kumhlanganosikolwa walelitiko locale namuhla nalekulindzeleke uphele kusasa. Sikhulumisana nasihlalo wendlu yebaholi bendzabuko eMpumalanga, Kgosi Mathupha Mokoena nmgalomhlangano nekutibophelela kwabo njengoba kucala sikhatsi sekusoka.

Duration:00:04:26

#Embiteni - Hulumende waseMpumalanga bekangenele umkhankaso wekugoma tinkhomo ngenca yesifo sematele.

Indvuna yelitiko letekulima John Steenhuisen uvakalise injabulo ngeluhlelo loluchubekako lwekugomela tinkhomo sifo sematele. Ukhulume emkhankasweni bewulapha kaTshabalala dvute nase-Hazyview eMpumalanga. Simeme umphatsiswa welitiko letekulima eMpumalanga Khethiwe Moeketsi.

Duration:00:04:42

#Imphunga - HANI Mpu ( Pkg)

Mabhalane jikelele we-SACP, Solly Mapaila, sewubita mengameli Cyril Ramaphosa kutsi ehle esikhundleni kulandzela lesijubo senkantolo yemtsetfosisekelo eludzabeni lwasePhala Phala. Uvete loku emcimbini wekubungata umshiyandvuku wa-Chris Hani eAcornhoek dvutane nase Bushbuckridge kulesifundza Mpumalanga. Mthobisi Mkhaliphi

Duration:00:03:10

#Imphunga - Litiko lemfundvo lesisekelo licale luhlelo lwetifundvo tesikhashana tebafundzisi.

Lisekela lendvuna yemfundvo lesisekelo, Dr Reginah Mhaule utsi loluhlelo lwettifundvo tesikhashana ltebufundisi luhlose kuntjintja imphilo kuletikhatsi tanamuhla

Duration:00:02:39

#Imphunga - Kwetfulwa kabusha umkhandlu lolwa nesifo seTB eMpumalanga